وتفضل ضحكتك حالة
قالولى لضحكتك معنى سكت وقلت اشمعنى
وفعلا كل ضحكة بشكل بتحكى الحالة قلب وعقل
ومين ع الضحكة يستغنى
فى ضحكة طالعة من قلبك تبان ع الوش واضحة لناس
وضحكة بدمعة فوق الخد بتنقل روعة الاحساس
فى ضحكة بتحرق البارد وغيرها تحسها لمارد
وضحكة بضرب كف بكف لناس بقى فكرها شارد
فى ضحكة لطفل كان نايم تحس فيها بنسايم
وضحكة سارحة فى الذكرى يقولوا عليك اكيد هايم
فى ضحكة يقولوا ده مغرور وتانية يقولوا عاش ف الدور
وضحكة صفرا مفهومة بقولك بيها امشى وغور
وتفضل ضحتك حالة
بيقولوا خواطرى لونها حزين وقلمك حبره كله انين
وادينى برد بالضحكة بصوت عالى يابنى ادمين
خواطرى كما جالت ببالى سأقرؤها معكم كما تعودت #خواطر_النقيب
