بقلم محمود الشبول
(الابناء بالصالة يلعبون وبحالة فرح يدخل الاب ويهرع الاولاد لاستقباله بفرح غامر)
الاب : اهلا اهلا حبايبي كيفكم
الاولاد :اهلين يابا
الاب طمنوني كيف قرايتوكو يابا
جنى :يابا طمنا جبتبنا اللاب توب
محمد :اه يابا اليوم المعلم حكالنا انه لازم يكون معنا اللاب توب
الاب :ااه يابا تكرمو هالكم يوم بكون عندكم
جنى :يا يابا انت الك فترة بتحكي راح اجيب وما بتجيب
الاب : طيب طيب تكرمَو انتو اهتموا بقرايتكم ومن عيوني
(الاب يجلس بعيدا عن الأطفال )
الام :شو يا ابو محمد
الولاد اكلو راسي بدهم اللاب توب ، معهم حق اتاخرو بقرايتهم كل الاولاد عندهم الا هم
الاب :والله عارف يا ام محمد بس انتي شايفة الوضع تشيف العين بصيرة والايد قصيرة وكل شي مسكر هالايام بطلنا نقدر نلاقي اللقمة وهاي اجت زياده
الام :الله يفرجها
(يطأطأ راسه)
(تخلع ام محمد الذبلة من يدها اليسار والسنسال وهو جالس، يضع يده ع ركبته وتمسك يده وتضعهم بيده )
الاب :لا يا ام محمد ربي يسعدتش ويخلييش يا حنونه
الام :حلفتك بالله توخذهن وتجبر خاطر الاولاد وتفك ضيقتنا
(الاب بيده الذبله ويمدها اليها)
الاب :لا يابنت الحلال مش ذبلتش
الام :فداك بكفي حسك بينا
(يطبطب على يديها)
الاب :اصيلة
النهاية
