الآية مقلوبة
ده ظالم جه بدمعة عين وقال للناس انا مظلوم
وواحد تانى كان فايز وقال للدنيا انا مهزوم
وفيه غرقان فى نعم الله تشوفه تقول اكيد محروم
وده واهم وده موهوم وده عنده هموم بالكوم
وفيه حاكم وفيه محكوم وفيه الدوغرى وفي المبروم
فى ناس نايمة بطول اليوم وناس صاحية فى وقت النوم
وده يشوه وده يموه وبعدين يجرى يتسحر عشان هيصوم
وتاكل فى طبق واحد وفى الضهر تلاقيك مذموم
وده واحد بيتكذب لأنه امين
وفيه غيره ملوش فى الدين لكن بيقول
وكله يقين كلامه فيه عسل مسموم
وشاب يموت لأنه شجاع وصاحب باع وده بيزود الاوجاع
وعلى وشك تبان مهموم
دى لعبة كبيرة ملعوبة وناس إرادتها مسلوبة
فدنيا غريبة منكوبة فتلقى الآية مقلوبة
خواطرى كما جالت ببالى سأقرؤها معكم كما تعودت .
#خواطر_النقيب
