انا م الريف انا م الريف مش البندر
عرفت الحب من صغرى أكلت العيش معاه سكر
عرفت الديب من الحواديت حكاية ذات رداء الاحمر
دخلت مدرسة ف قرية مشتاق اوى لانى اكبر
ولما كبرت كإنى زهقت فى دنيا فكرها مبعتر
شربت حليب من الاصلى مكانش لسه فيه مبستر
وشوفت الود بين الكل ولا اخوان ولا عسكر
مشيت ياما لنص الليل ودقت حلاوة المنظر
سما صافية وقلوب دافية وانا ماشى وبتمختر
وفجأة كل شئ ينهار ف ثانية والوشوش تظهر
ده وش الحب والطيبة سراب والكل متستر
تعيش الفطرة بجمالها وفهمك ييجى متأخر
هتتلون يااما تضيع او اتمسك ده لو تقدر
بقيت تايه ف دنيا الزيف مبادئ نصها اتدمر
وكل مادا بتزيد سوء وتيجى تلم تتبعتر
ولما الكيل يفيض بينا يقولك اهدى واتصبر
فى ناس مش لاقية لقمة عيش ولولا ايمانها كت تكفر
وينتحروا بردوا حراااااام وكان حلمه الولاد تفطر
تصدقنى تكدبنى مهش فارقة
تكفرنى عشان مش ماشى مع فكرك مهش فارقة
وواحد غيره يسجنى عشان رايى مهش فارقة
وعارفين ليه مهش فارقة لان الموت ساعات بيجيلنا من شارقة #خواطر_النقيب
