أحيانًا بتدخل عمحل مشان تشتري أكم غرض الك ، وبتلاقي هالاغراض وبتعجبك ، بس بتحكي خليني أشوف المحلات الثانية شو فيها يمكن ألاقي اشي احلى ، وبعد شوي بترجع وما بتلاقي هالاغراض ..!
وأحيانًا بتكون طالع برحلة مع أهلك ، وبتشوفوا المناظر وبتحكوا والله هون بجنن خلينا ننزل هون ، وانتَ بتحكي لا خلينا نشوف مناطق لقدام يمكن تكون أحلى ، وبيخلص قدام وما بتلاقي مناطق احلى ، وبصير بدك ترجع عليها وبتلاقي ناس قاعدين فيها ..!
واحيانًا بتكون طالع وبمكان في إزمة ، وبدك تصف سيارتك ، ومافي مصف غير يلّي قدامك ، وبتحكي خليني أشوف مصف قدام بلكي يكون أقرب واحسن ..!
وأحيانًا بس يجي شخص ويحبك ، وانتَ شايفه إنه شخص مُناسب الك ، وفيه كل الصفات يلّي بتحلم فيها ، وبس يطلب تكون معه ، بتتردد وبتحكي شو يلّي جابرني أربط حالي بحُب من الآن ، ليش أضايقك حالي خليني حُر ، يمكن الأقي أحسن منه لقدام ..!
التردد بأخذ القرار ، غالبًا رح يخليك تخسر ، وحتى لو إنك رجعت بقرارك رح تكون مُتاخر ، رح تلاقي الغرض يلّي عجبك راح ، ورح تلاقي المكان الحلو قعدوا فيه ناس غيرك ، والمصف أصطف فيه شخص غيرك ، والشخص يلّي حبك بطل يحبك ، او تجاوزك وصار يحب غيرك ..!
* مشان هيك خلينا بس يعجبنا اشي نقتنع فيه وما ندور عـغيره مشان ما نخسره ..!
