سر الأرقام المتداولة عند الاردنين : بعض الأرقام لها إستخدامات مختلفة جداً .... وهي 60 و 100 و 10 و 1000 و 7 و 2 على سبيل المثال: الرقم (60).. يستخدم فقط وحصرياً دون عن باقي الأرقام في الشتيمة.. مثل (ابن "60" كلب).. ولا يقولوا مثلاً ابن "70" كلب هو بس 60 كلب فقط على نفس المنوال ابن ال(60) ص رم اية 😅.. ؟؟؟ ويستخدم الرقم (60) أيضاً لوصف أسوأ مكان أو وجهة ان قلع أو روح في (60) داهية.. و أبداً ما حدا قال ب 80 داهية مثلاً .. أو (60) جهنم اللي تاخذك مثلاً... و أوقات يستخدم رقم (60) للتوبيخ: (60) مرة قلتلك لا تعمل هيك.. هي بتكون مرتين.. (60) مرة ناديتلك.. هيي بتكون 3 مرات أيضاً.. أما الرقم (100) للتسليمات.. (100) أهلا وسهلا.. ما منقول 50 أهلا وسهلا مثلاً .. (100) وردة بهالطلة.. مو 25 وردة مثلاً .. أما (10) فتستخدم لوصف جودة الأشياء أو الأفعال .. (الشغل 10 على 10) يعني ماشي تمام.. أو (فتح عيونك 10 على 10) يعني انتبه.. أما الرقم (1000) يستخدم تحديداً في التهنئة.. (1000 مبروك).. مافي 100 مبروك مثلاً ..؟؟ (1000) الحمدلله عالسلامة.. مافي 20 الحمدلله مثلاً ..!! أما الرقم (7) في الوصف فهو ظاهرة غريبة جداً ، وهي الحيرة الشديدة أو البحث المتواصل والمتعب عن شيء أو شخص ما .. دخت ال(7) دوخات.. لحد ما لقيت فلان أو هالغرض الخ... ) كما يستخدم الرقم (7) للتعبير عن النوم العميق.. (ما رح يرد عليك ، شكلو ب "سابع" نومة).. على أساس انه لو ب "سادس" نومة كان قام عادي و رد ! أما الرقم (٢) وهو أطول مدة زمنية في الكون و هي (الساعتين ).. (صرلو "ساعتين" بنفس القصة) هي بتكون ٥ دقايق.. (صرلي " ساعتين" ناطرك) هي بتكون 7 دقايق.. (صرلي "ساعتين" عم فهمك هالشغلة) هيي بتكون ٥ دقايق.. (هلكتني صرلي " ساعتين" واقف عرجليي) هيي كمان بتكون شي 3 دقايق .. للأمانه منقول مع بعض التعديلات
